Thursday, January 28, 2010

அட ஆமால்ல...

இணையம் மூலம் வந்த செய்தி. உடனே அலைபேசியை எடுத்து அமுக்கி பார்த்தேன். அட ஆமால்ல... ஆமாவா... இல்லையா... நீங்களும் பார்த்திடுங்க...

Wednesday, January 27, 2010

எகிப்தில் ஒரு வரலாற்றுப்பயணம் - பாகம் 8 – ப்ஃபிலே கோவில் – உள்பிரகாரமும், கலைநயம் மிக்க பிரமாண்ட தூண்களும்

மோசமான வானிலையின் காரணமாக இணைய இணைப்பு சரியாக இல்லாததால் படங்களை இணைப்பது மிகவும் கடினமான செயலாக இருந்தாலும் நண்பர்கள் உங்களின் தொடர் வருகையும், ஊக்கமும் எனது இந்த ஆக்கத்திற்கு மிக்க உற்சாகத்தை தருகின்றன. பகலில் பணி அதிகமாக இருப்பதால் இரவெல்லாம் விழித்திருந்து படங்களை பதிவில் ஏற்றி வருகிறேன்.

முழு பயணத்தொடரும் படிக்க விரும்புவர்கள் முதல் பதிவில் இருந்து படித்தால் அனைத்து படங்களோடு தகவல்கள் அறிந்து கொள்ளலாம்.

சில குறிப்பிட்ட நிறுவனங்களைத் தவிர ‘பேக்கேஜ் டூர்’ வழங்கும் பல நிறுவனங்கள் ப்ஃபிலே கோவில் அழைத்து செல்வதில்லை. இணையத்திலும் இக்கோவிலை பற்றிய தகவல்கள் அதிகமாக இல்லை என்பதால் இந்த அரிய புகைப்படங்களை உங்களோடு பகிர்ந்து கொள்வதால் மிக்க மகிழ்ச்சி அடைகிறேன்.

இந்த பதிவில் ப்ஃபிலே கோவிலின் உள்பிரகாரங்கள் மற்றும் கலைநயம் மிக்க பிரமாண்ட தூண்களின் படங்களை இணைத்துள்ளேன். தூண்கள், சுவர்களெங்கும் வழிபாட்டு முறைகளையும், அந்த கால கட்டத்தில் நடந்த பல நிகழச்சிகளையும் சித்திர வடிவ எழுத்துக்களாகவும், ஓவியங்களாகவும் பதிவு செய்துள்ளார்கள்.

உள்பிரகாரங்கள்



ஒரு நினைவுப் படம்


வழிபாட்டு முறைகள்
நமது இந்திய கோவில்களை போன்றே அடுக்கடுகான நுழைவாயில்கள்




பீடம்
வெளிவானம்
தூணின் மேல்புற வேலைப்பாடு
தூண்களின் வித்தியாச வேலைப்பாடு கவனித்து பார்த்தால் தெரியும்
வெளிப்பிரகார தூண்கள்



தூண்களின் நுணுக்கமான மலர் வடிவ மேல்பீடத்தில் தெய்வ முகங்கள்
மேல்விதானங்களை இணைக்கும் தூண்கள்


நவீன கட்டிட கலைக்கு சவால் விடும் நேர்த்தியான வரிசை
மதில் சுவரோடு இணையும் பிரகார தூண்கள்
நீலவானப் பின்னணியில் நிமிர்ந்து நிற்கும் தூண்கள்
அரங்கம் ஒன்றின் தூண்கள்
காற்று வரும் இடைவெளி வழியே நீர்நிலையும், மலைக்குன்றும்
சில பிரமாண்ட தூண்கள்




சென்ற பதிவில் பலாபட்டறை திரு.ஷங்கர் அவர்கள் என்ன கேமரா என்ற விபரமும் தருமாறு கேட்டிருந்தார். இந்த சுற்றுலாவில் பங்கு கொண்ட அறுவரிடமுமே SONY, PANOSONIC, FUJI, CANON, KONICA, YASHIHA என உலகப்புகழ் பெற்ற நிறுவனங்களின் நவீன கேமராக்கள் இருந்தன. இந்த கேமராக்களின் வசதிகள் மிக சிறப்பானவை. பகல்,இரவு மற்றும் சூரிய வெளிச்சத்தின் தன்மைக்கேற்ப mode மாற்றிக் கொண்டால் நேரில் பார்க்கும் effect இருக்கும்.
இந்த பதிவில் உங்களோடு பகிர்ந்து கொண்டு வரும் அனைத்து படங்களுமே எடுத்தது எடுத்தபடியானவை. எந்த ஒரு Photo Shop Software ம் பயன்படுத்தி படத்தின் தரத்தை கூட்டவில்லை என்பது கூடுதல் தகவல். இந்த கேமராக்களின் உதவியால் இந்த டூரின் போது மொத்தமாக 5000 புகைப்படங்கள் எடுத்தோம். லேப்டாப்களும் எடுத்து சென்றிருந்ததால் பயணத்தின் போதே உடனுக்குடன் கேமராவில் இருந்து டவுண் லோடு செய்து கொண்டோம்.

ஆயிரம் வார்த்தைகள் சொல்லாத விஷயத்தை ஒரு புகைப்படம் சொல்லி விடும் என்பதால் இந்த பகிர்வில் நிறைய படங்களை இணைத்து வருகிறேன். கண்டு மகிழுங்கள். கருத்துக்களை கூறுங்கள்.

(பயணம் தொடரும்)

Tuesday, January 26, 2010

குடி அரசு

குடியே வாழ்க்கை என கொண்டாடுவோரும்
அரிசி வாங்கவே அனுதினம் தவித்திடுவோரும்
குடிகளுக்கு அரசராய் சல்லிசு சலுகைகள்
அள்ளி வழங்கிடும் அரசியல்வியாதிகளும்
அரசு குடிகளாய் மாறிட்ட அதிகாரிகளும்
இனமானம் ஏலம்போடும் ஈனத் தொலைக்காட்சிகளும்
நினைந்து நினைந்து கசந்திடும் மனதின்
ஏதோ ஒரு அடிஆழத்தில்
குழந்தைப்பருவத்தில்
கொடி ஏற்றிய போது
வரிசையில் நின்று
வாங்கி தின்ற மிட்டாயின் இனிப்பு.

Sunday, January 24, 2010

எகிப்தில் ஒரு வரலாற்றுப் பயணம் - பாகம் 7 – ப்ஃபிலே கோவில் - பிரமாண்ட மதில் சுவர்களும், ஓவியங்களும்.

அன்பு நண்பர்களே, இந்த பதிவில் நான் கண்டு வியந்து, பரவசமடைந்த பல்லாயிரம் ஆண்டுகள் பழமை வரலாறு கொண்ட எகிப்தின் புராதான ஃபீலே கோவில் காட்சிகள் அனைத்தையும் படங்களாக பகிர்ந்துள்ளேன்.

முழு பயணத்தொடரும் படிக்க விரும்புவர்கள் முதல் பதிவில் இருந்து படித்தால் அனைத்து படங்களோடு தகவல்கள் அறிந்து கொள்ளலாம்.

படகை விட்டு இறங்கியதும் பெரிய பிரமாண்ட வெளிப்புற மதில்சுவர்கள் வரவேற்றன. பிரமாண்ட சுவர்களெங்கும் பிரமாண்ட ஓவியங்கள்.






ஒவ்வொரு ஓவியமும் ஒவ்வொரு நிகழ்ச்சிகள் குறித்தவை.


தெய்வ வழிபாடு

ஒரு அருகாமை காட்சி



ஓவியங்களில் சிறு குழந்தைகளும்

காலத்தால் சிதைந்த கட்டிடங்கள்







( படங்கள் பகிர்வு தொடரும் )