பூஜா ஹாலிடேஸ் வாழ்த்துக்கள்...

சரஸ்வதி பூஜை, ஆயுத பூஜை, 

விஜயதசமி மற்றும் ஐந்து நாள்

 விடுமுறை வாழ்த்துக்கள்...

தந்தையர் தின வாழ்த்துக்கள் - கவிதை காலமும், பேஸ் புக், வாட்ஸ் அப் காலமும்....

தந்தைக்கு கவிதை வாழ்த்து அனுப்பியது அந்தக் காலம்.....

அன்பு தந்தையே.....

பேஸ் புக்,வாட்ஸ் அப் வாழ்த்து அனுப்புவது இந்தக் காலம்....

எனது மகள் சிவபூஜாவின் பட பட பட்டாசு பேச்சு....

ஹாப்பி பூஜா ஹாலிடேஸ்

நண்பர்கள் அனைவருக்கும் இனிய சரஸ்வதி பூஜை, ஆயுதபூஜை மற்றும் விஜயதசமி வாழ்த்துக்கள்.

பள்ளியில் படிக்கும் போது சரியாக காலாண்டு விடுமுறையில் தான் இந்த பூஜைகள் எல்லாம் வரும். சிறுபிள்ளையாக இருந்த போது வசித்த ஊரில் நிறைய பேர் வீட்டில் கொலு வைத்திருப்பார்கள். தினமும் புதிது புதிதாக படிகளையும், பொம்மைகளையும் மாற்றி அமைப்பார்கள். நாங்களும் தெரிந்த வீடுகளில் மலைகள், காடுகள், தெப்பகுளம் அமைக்க உதவுவோம். எங்களிடமிருக்கும் பொம்மைகளையும் கொண்டு வைப்போம். தினமும் மாலைநேரங்களில் எல்லோர் வீட்டு கொலுக்களையும் பார்த்தவாறு அப்படியே ஒரு ரவுண்டு வந்தால் நல்ல பொழுதுபோக்காக இருக்கும். விதவிதமான பலகாரங்களும் கிடைக்கும்.

பின் காலசூழ்நிலையில் வீடு மாறி, ஊர் மாறி...... ம்ம்ம் எல்லாம் விட்டுப் போச்சு. நாங்களும் சொந்த ஊரில் போய் செட்டில் ஆகிவிட்டோம். எங்கள் ஊரில் கொலு வைக்கும் பழக்கமெல்லாம் கிடையாது. ஆனால் ஊர் அம்மன் கோவிலில் தினமும் அம்மனுக்கு சிறப்பு அலங்காரமும், விசேச பூஜைகளும் நடக்கும்.ஒரு நாள் எங்கள் வீட்டு கட்டளையும் உண்டு. சென்ற வருடம் சரஸ்வதி பூஜை காலத்தில் ஊரில் இருந்தேன். தினமும் மாலையில் அம்மன் கோவிலில் பலவயது பெண்களும் பாட்டுகள் பாடியவாறு கும்மி,கோலாட்டம் என அழகாக, வித்தியாசமான அனுபவமாய் இருந்தது.

இன்று கோவிலில் எங்கள் வீட்டு கட்டளை. இந்த ராஜாவின் சார்பாக எனது குட்டி இளவரசி பூஜா சென்றிருக்கிறாள். அவளுக்கும் மிகப்பிடித்ததாகவே இருக்கும்.....

ஹாப்பி பூஜா ஹாலிடேஸ் நண்பர்களே....