கண்டவர் விண்டிலர்….

அனுநித்தம் கனவில் வந்திட்ட

அழகுமுத்தம் பல தந்திட்ட

கனதினம் பிரிந்திட்ட

காதலி தொலைவில் வந்திட

கண்கள் நோக்கிட

காதல் பெருக்கிட

இதயநீர் இளகிட

இமைகள் நனைந்திட

உதடுகள் ஒட்டிட

உள்நாக்கு உலர்ந்திட

கட்டி அணைத்திட

கைகள் துடித்திட

கண்ணியம் தடுத்திட

அருகே அழைத்திட

அவள் பெயரும் மறந்திட

ஏதேதோ என்னுள் நடந்திட

உலகமொழியெலாம்

ஒரு வார்த்தை இல்லை

தன்நிலை மறந்திட்ட

என்நிலை விளக்கிட….