குடி அரசு

குடியே வாழ்க்கை என கொண்டாடுவோரும்
அரிசி வாங்கவே அனுதினம் தவித்திடுவோரும்
குடிகளுக்கு அரசராய் சல்லிசு சலுகைகள்
அள்ளி வழங்கிடும் அரசியல்வியாதிகளும்
அரசு குடிகளாய் மாறிட்ட அதிகாரிகளும்
இனமானம் ஏலம்போடும் ஈனத் தொலைக்காட்சிகளும்
நினைந்து நினைந்து கசந்திடும் மனதின்
ஏதோ ஒரு அடிஆழத்தில்
குழந்தைப்பருவத்தில்
கொடி ஏற்றிய போது
வரிசையில் நின்று
வாங்கி தின்ற மிட்டாயின் இனிப்பு.